«Ռեալի» հարձակվող Վինիսիուս Ժունիորը ասել է, որ չի ցանկանում երկարաձգել պայմանագրի ժամկետը․ մանրամասներ
Մադրիդի «Ռեալի» բրազիլացի հարձակվող Վինիսիուս Ժունիորը ակումբին հստակեցրել է իր դիրքորոշումը ապագայի վերաբերյալ։ Ըստ The Athletic-ի՝ բրազիլացին անցյալ ամսվա վերջին ակումբի նախագահ Ֆլորենտինո Պերեսին ասել է, որ չի ցանկանում երկարաձգել պայմանագրի ժամկետը, քանի դեռ թիմի գլխավոր մարզիչ Խաբի Ալոնսոյի հետ ունի լարված հարաբերություններ։
Վինիսիուսը խոսել է Պերեսի հետ «Էլ Կլասիկոյից» հետո, երբ հարձակվողը զայրացած էր արձագանքել փոխարինմանը։ Այդ զրույցից հետո բրազիլացին ակումբի նախագահին հայտնել է, որ, հաշվի առնելով մարզչի հետ իր հարաբերությունները, չի կարծում, թե պայմանագրի երկարաձգումը ներկայումս լավագույն տարբերակն է։
