Նիկոլ Փաշինյանը խոսել է նոր Սահմանադրության անհրաժեշտության մասին

ՀՀ վարչապետ Նիկոլ Փաշինյանն այսօր ելույթ է ունեցել Հայաստանի պետական մարմինների ներկայացուցիչների առաջին համաժողովում, որը անցկացվում է Մարզահամերգային համալիրում՝ լրագրողների համար փակ ռեժիմով։ Միջոցառմանը մասնակցել են նախարարությունների և պետական հիմնարկների աշխատակիցներ։

ՔՊ-ական պատգամավոր, ԱԺ առողջապահության հարցերի հանձնաժողովի նախագահ Հռիփսիմե Հունանյանի հրապարակած կարճ տեսանյութից պարզ է դառնում, որ վարչապետը իր խոսքում անդրադարձել է Հայաստանի միջազգայնորեն ճանաչված տարածքային ամբողջականությունն ապահովելու իրավունքին, ինչպես նաև նոր Սահմանադրության ընդունման անհրաժեշտությանը։

«Սպառազինության և տեխնիկայի ձեռքբերման հնարավորությունները, պաշտպանական տեխնոլոգիաների հասանելիությունը ավելացվում է անգամնվերով»,– նշել է Փաշինյանը։

Վարչապետը նաև նշել է. «Սկզբունքային եմ համարում մեր ներքին լեգիտիմության ամրապնդումը, որը պետք է արտահայտվի նոր Սահմանադրության ընդունմամբ»: