Հայաստանյան բանտերում կընդլայնվի տեսախցիկների կիրառումը
Հայաստանը բանտերում կընդլայնի տեսախցիկների կիրառումը։ Կառավարության այսօրվա որոշմամբ տեսախցիկներ գնելու համար 27.1 մլն դրամ կհատկացվի։
Կառավարության պարզաբանման մեջ նշվում է, որ տեսախցիկների ավելացումը կօգնի կանխել կալանավորների շարքում իրավախախտումները, անօրինական իրերի անցկացումը, ինչպես նաև կբարձրացնի բանտապահների հաշվետվողականությունը։
Արդարադատության նախարարությունը տեսախցիկների կիրառումը բացատրում է բանտերի շենքերի մակերեսների ավելացմամբ և դրանցով պայմանավորված՝ կալանավորների նկատմամբ վերահսկողության ուժեղացման անհրաժեշտությամբ։
