Եթե չմիավորվենք, կփոշիացնենք մեր եղած քվեները․ Խաչիկ Մանուկյան
«Հայրենիք» կուսակցության թեկնածու Խաչիկ Մանուկյանի խոսքով՝ ընտրապայքարի ընթացքում նա տեսել է ընդդիմության հաղթանակը, և անհրաժեշտ է, որ այն վավերացվի քվեների միջոցով։ Լրագրողների հետ զրույցում նա նշել է, որ բարձր մասնակցության պարագայում ընդդիմությունը կհաղթի։
Մանուկյանը ընդգծել է, որ, իր գնահատմամբ, ժողովուրդը կարողացել է դուրս գալ թմբիրից և հասկանալ, որ կորցնում է ազգն ու երկիրը։
Նա հավելել է, որ տեսնում է կոալիցիա կազմելու հնարավորություն՝ նշելով. «Եթե չմիավորվենք, կփոշիացնենք մեր եղած քվեները»։
