«Իսկանդերի» բեկորներ են ընկել Ադրբեջանի դեսպանատան շենքի վրա․ Զելենսկի
Ուկրաինայի նախագահ Վոլոդիմիր Զելենսկին հայտնել է, որ ՌԴ գիշերային հրթիռային հարձակման ընթացքում «Իսկանդեր» տեսակի հրթիռի բեկորներ են ընկել Կիևում գտնվող Ադրբեջանի դեսպանատան շենքի վրա։ Նրա խոսքով՝ հարվածը ներառել է շուրջ 430 անօդաչու թռչող սարք և 18 հրթիռ, որոնց թվում եղել են ինչպես բալիստիկ, այնպես էլ օդաբալիստիկ միջոցներ։
Նշված հարձակման հետևանքով միայն Կիևում վնասվել են բազմաթիվ բնակելի շենքեր։ Զելենսկին տեղեկացրել է, որ քաղաքի տարբեր հատվածներում գրանցվել են ավերածություններ, իսկ քաղաքացիական ենթակառուցվածքները ստացել են լուրջ վնասներ։
Ուկրաինայի նախագահի խոսքով՝ հրթիռային հարվածների արդյունքում զոհվել է չորս քաղաքացի։ Արտակարգ ծառայությունները շարունակում են աշխատել դեպքի վայրերում՝ պարզելու վնասների չափը և աջակցելու տուժածներին։
