Թրամփը կոշտ մեկնաբանությամբ արձագանքել է Նենսի Պելոսիի քաղաքականությունից հեռանալուն

ԱՄՆ նախագահ Դոնալդ Թրամփը սուր արտահայտությամբ է արձագանքել Նենսի Պելոսիի հայտարարությանը, ըստ որի՝ նա 2027 թվականին պատրաստվում է հեռանալ քաղաքականությունից։

«Նենսի Պելոսին՝ հին և մաշված քաղաքական ավազակ, որը երկու անգամ փորձեց իմ դեմ իմպիչմենտ սկսել և ձախողվեց, վերջապես հեռանում է։ Նա ապօրինաբար հարստացել է ֆոնդային բորսայում, խաբել ամերիկացի ժողովրդին և եղել է աղետ Ամերիկայի համար։ Ուրախ եմ, որ Նենսի Պելոսիի հոտը վերջապես կվերանա»,– ասել է Թրամփը։

Նշենք, որ Նենսի Պելոսին երկար տարիներ ղեկավարել է Ներկայացուցիչների պալատը և եղել է Դեմոկրատական կուսակցության ամենաազդեցիկ գործիչներից մեկը։