Հունգարիան կներգրավի ամերիկյան միջուկային վառելիք՝ համագործակցելով ԱՄՆ-ի հետ

Հունգարիայի արտգործնախարար Պետեր Սիյարտոյի խոսքով՝ Բուդապեշտը և Վաշինգտոնը հասել են պայմանավորվածության՝ ընդլայնելու համագործակցությունը միջուկային էներգետիկայի ոլորտում։

«Մենք կստորագրենք կարևոր միջկառավարական համաձայնագիր միջուկային էներգետիկայի համագործակցության մասին՝ իմ գործընկեր, ԱՄՆ պետքարտուղար Մարկո Ռուբիոյի հետ։ Հունգարիան կգնի ամերիկյան միջուկային վառելիք»,- նշել է Սիյարտոն։

Նրա խոսքով՝ փաստաթղթով նախատեսվում է նաև ամերիկյան տեխնոլոգիաների ներդրում, որոնք հնարավորություն կտան ապահով կերպով պահպանել օգտագործված միջուկային վառելիքը «Պակշ» ԱԷԿ-ի տարածքում։

Բացի այդ, ծրագրվում է կառուցել փոքր մոդուլային ռեակտորներ՝ էներգետիկ համակարգի արդյունավետությունը բարձրացնելու նպատակով։