Փախստականների վերադարձի օրակարգը վտանգավոր է. Փաշինյան
Ներքին տեղահանվածների և փախստականների վերադարձի օրակարգը վտանգավոր եմ համարում, որովհետև դա նշանակում է վերադառնալ կոնֆլիկտի նախնական պարամետրերին։ Այս մասին հայտարարել է ՀՀ վարչապետ Նիկոլ Փաշինյանը։
«Եթե մենք այսօրվա մեր գործողությունների տրամաբանությունն ու հիմնավորումը փորձենք գտնել պատմության մեջ, դա նշանակում է, որ մենք չենք հավատում խաղաղությանը»,– ասել է նա։
Փաշինյանի խոսքով՝ խաղաղության հասնելու համար անհրաժեշտ է հրաժարվել պատմական հակասությունների վերարտադրությունից և կենտրոնանալ ապագայի վրա։
