ԱՄՆ պատժամիջոցների նոր հարվածը՝ Հյուսիսային Կորեային, Չինաստանին ու Ռուսաստանին

ԱՄՆ-ն սահմանել է նոր պատժամիջոցներ, որոնք ուղղված են չինացի և հյուսիսկորեացի անձանց ու կազմակերպությունների դեմ, հաղորդում է Reuters-ը՝ վկայակոչելով ԱՄՆ ֆինանսների նախարարությանը։

Երկրորդային պատժամիջոցների ցանկում ընդգրկվել են Հյուսիսային Կորեայից, Չինաստանից և Ռուսաստանից ութ անձինք։ Նշվում է, որ ցուցակում ներառվել են նաև Korea Mangyongdae Computer Technology Corp. տեխնոլոգիական ընկերությունը և Հյուսիսային Կորեայի Ryujong Credit Bank-ը։

Երկրորդային պատժամիջոցներով ԱՄՆ-ն պատժում է այն կողմերին, որոնք իրականացնում են արգելված գործարքներ արդեն իսկ պատժամիջոցների տակ գտնվող երկրների կամ կազմակերպությունների հետ։