ՀՐԱՏԱՊ. Ծեծկռտուք և քաշքշոց ԱԺ-ում

Քիչ առաջ ԱԺ նիստի ընթացքում Էդմոն Մարուքյանն իր ելույթում արձագանքեց մինչ այդ ելույթ ունեցած Բաբկեն Թունյանին․

«Ասում ենք, որ մեզ զանգում են էս հարցերով։ Գալիս եք, ամբարտավանությամբ ասում եք՝ սուտ են խոսում, ոչ մեկին չեն զանգում, բան։ Իր համարն ամբիոնից ասում է, հետո 120 զանգ է ստանում։ Ասում եք՝ «Լուսավոր Հայաստանն» է համարս տվել։ Պարո՛ն Թունյան, որ ամբիոնից սրիկա, բան եք ասում, լարվածություն եք առաջացնում, մի՛ արեք տենց բան»։

Տեղից «Իմ քայլի» պատգամավոր Սասուն Միքայելյանը սկսեց բղավել, բայց բառերը չէին լսվում: Փոխարենը լսվում էր Մարուքյանը խոսքը. «Պարոն Միքայելյան, հոպար չեմ ձեզ համար: Ի՞նչը կցխես»,-ասաց նա ու իջավ ամբիոնից:

Նրան մոտեցավ Սասուն Միքայելյանն ու բռունցքներով սկսեց հարվածել, ինչից հետո մեծ ծեծկռտուք սկսվեց:

Տեսանյութը՝ քիչ ուշ