Պեսկովը մանրամասներ է հայտնել Թրամփ-Պուտին հանդիպումից
Ոչ Ռուսաստանի նախագահ Վլադիմիր Պուտինը, ոչ ԱՄՆ նախագահ Դոնալդ Թրամփը չեն նշել իրենց հանդիպման հստակ ժամկետները, դրա համար լուրջ նախապատրաստություն և ժամանակ է պահանջվում: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:
«Կարևորը տեղը կամ ժամկետը չէ, կարևորն այն է, թե ինչպես ենք շարժվելու ըստ էության»,- ասել է նա:
Պեսկովի խոսքով՝ Կրեմլը Թրամփի հետ նույն ինքնաթիռով Բուդապեշտ Պուտինի ժամանման հնարավորության մասին հաղորդագրություններին վերաբերվում է որպես ֆանտաստիկ վարկածի:
«Հունգարիայում Ռուսաստան-ԱՄՆ գագաթնաժողովին ԵՄ երկրների ղեկավարների հնարավոր մասնակցության մասին խոսելը վաղաժամ է, հանդիպման մանրամասները դեռ չեն քննարկվել»,- հավելել է նա։
