Ժողովրդավարության ճգնաժամը հենց այս տեսքն ունի. Վարդևանյանը` Ղուկասյանի ձերբակալության մասին
Մի քանի շաբաթ առաջ Ազգային ժողովի ամբիոնից քաղաքական խոստում տրվեց, որ հետապնդում է իրականացվելու Գյումրու օրինական ուժի մեջ մտած ընտրությունների արդյունքներով՝ ընտրված համայնքի ղեկավարի դեմ: Այս մասին իր ֆեյսբուքյան էջում գրել է փաստաբան Արամ Վարդևանյանը:
«Եթե որևէ մեկը գիտի Եվրոպական այլ երկիր քաղաքական գործընթացների և քրեաիրավական ներուժի նման սերտաճման փորձի վերաբերյալ, խնդրում եմ հայտնել: Ժողովրդավարության ճգնաժամը հենց այս տեսքն ունի»,- գրել է փաստաբանը:
Հիշեցնենք` ձերբակալել են Գյումրու համայնքապետ Վարդան Ղուկասյանին։
Փաստաբան Արսեն Բաբայանը հայտնել է, որ Վարդան Ղուկասյանի ազատությունը սահմանափակված է:
