Խամենեին մեկնաբանել է Դուրովի ձերբակալությունը
Իրանի գերագույն առաջնորդ այաթոլլահ Սեյիդ Ալի Խամենեին մեկնաբանել է Telegram մեսենջերի հիմնադիր Պավել Դուրովի ձերբակալությունը: Խամենեին Դուրովի ձերբակալության մասին խոսել է նոր կառավարության անդամների հետ հանդիպման ժամանակ:
«Կիբերտարածքում կառավարումն ամենուր է։ Դուք տեսաք, որ այդ խեղճ երիտասարդին (Պավել Դուրով) ձերբակալեցին Ֆրանսիայում և սպառնացին 20 տարվա ազատազրկմամբ: Դա ցույց է տալիս, որ նրանք խախտել են կանոնները»,- ասել է Խամենեին։
Նշենք, որ Իրանում Telegram-ն արգելված է ավելի քան 6 տարի։
