ԵԱՀԿ գործող նախագահը՝ արցախահայերի վերադարձի մասին
ԵԱՀԿ գործող նախագահ Էլինա Վալտոնենը չպատասխանեց արցախահայերի վերադարձի ու նրանց միջազգային իրավունքների հետ կապված հարցերին։ Նա ՀՀ արտգործնախարար Արարատ Միրզոյանի հետ հանդիպումից հետո կայացած ասուլիսի ժամանակ համապատասխան հարցին այլ պատասխան տվեց։
«Մենք խորքային քննարկում ունեցանք նախարարի հետ, և ԵԱՀԿ-ն պատրաստակամ է աջակցելու, սատարելու խաղաղությանը, դիմակայունությանը Հայաստանում և տարածաշրջանում։ ԵԱՀԿ-ի հատուկ շեշտադրումը կլինի այնտեղ, որտեղ նաև Հայաստանը կարող է ավելացված արժեքով հանդես գալ՝ տնտեսական բաղադրիչում կլինի, ինչպես նաև շրջակա միջավայրի և կլիմայի ուղղությամբ»,- ասաց Վալտոնենը։
