Ռուսաստանի և Ադրբեջանի հարաբերություններում ճգնաժամ չկա․ Պուտին
Ռուսաստանի և Ադրբեջանի հարաբերություններում ճգնաժամ չկա։ Այս մասին հայտարարել է Ռուսաստանի նախագահ Վլադիմիր Պուտինը։
«Եթե դա միջպետական հարաբերությունների ճգնաժամ լիներ, մենք առևտրատնտեսական կապերի աճ չէինք ունենա։ Այնինչ, չնայած այն ամենին, ինչ մենք տեսանք, ինչին մենք բախվեցինք, աճը, ընդ որում՝ զգալի աճը, շարունակվեց: Դրանից ի՞նչ միջպետական հարաբերությունների ճգնաժամ։ Ես կասեի, որ դա ավելի շուտ հույզերի ճգնաժամ էր»,-ասել է նա։
Պուտինի խոսքով՝ AZAL-ի ինքնաթիռի հետ ողբերգություն է տեղի ունեցել, ուստի պետք էր հանգիստ գլուխ հանել։
«Մեզ ժամանակ էր պետք»,-ավելացրել է նա:
Պուտինը հույս ունի, որ Մոսկվան ու Բաքուն շրջել են էջը AZAL-ի ինքնաթիռի աղետից հետո։
