Ռոնալդուն դարձել է աշխարհի առաջին ֆուտբոլային միլիարդատերը
Կրիշտիանու Ռոնալդուն դարձել է աշխարհի առաջին ֆուտբոլային միլիարդատերը, որի կարողությունը հասել է 1.4 միլիարդ դոլարի։
Bloomberg-ի հաղորդմամբ՝ հունիսին 40-ամյա հարձակվողը նոր պայմանագիր է կնքել «Ալ-Նասր»-ի հետ, որի արժեքը գերազանցում է 400 միլիոն դոլարը։
Ռոնալդուն 2002-2023 թվականների ընթացքում ընդհանուր առմամբ վաստակել է ավելի քան 550 միլիոն դոլար։ Նա նաև տասնամյա պայմանագիր է կնքել Nike-ի հետ, որի տարեկան արժեքը կազմում է մոտ 18 միլիոն դոլար։ Գործակալության տվյալներով՝ 2023 թվականին «Ալ-Նասր» տեղափոխվելը նրան տարեկան կբերի մոտ 200 միլիոն դոլար՝ հարկերից ազատ աշխատավարձի և բոնուսների տեսքով, ինչպես նաև լրացուցիչ արտոնություններ, այդ թվում՝ 30 միլիոն դոլարի բոնուս։
