Մերցը պարզաբանել է, թե ինչու չի զանգահարում Պուտինին
Գերմանիայի կանցլեր Ֆրիդրիխ Մերցը պարզաբանել է, թե ինչու չի զանգահարում Ռուսաստանի նախագահ Վլադիմիր Պուտինին և որպես օրինակ բերել Հունգարիայի վարչապետ Վիկտոր Օրբանին:
«Ես, իհարկե, մտածում եմ այդ մասին։ Ես պարզապես տեսնում եմ, որ այժմ նրա հետ խոսելու ցանկացած փորձ ավարտվում է Ուկրաինայի վրա ավելի կոշտ հարձակումներով»,- ասել է նա։
Այս ֆոնին կանցլերը նաև պատմել է, որ անցյալ շաբաթ Կոպենհագենում բավականին սուր վեճ է եղել Հունգարիայի վարչապետ Վիկտոր Օրբանի հետ:
«Նա մեզ մեղադրեց այն բանում, որ մենք չենք ցանկանում բանակցել։ Նման կշտամբանքին ես պատասխանել եմ, որ անցյալ տարվա հուլիսին, երբ Հունգարիան նախագահում էր ԵՄ Խորհրդում, Օրբանը եղել է Կիևում, իսկ հետո՝ Մոսկվայում։ Եվ Պուտինի պատասխանը Կիևում մանկական հիվանդանոցի ռմբակոծումն էր։ Եվ դա այն ճանապարհը չէ, որով ես ուզում եմ գնալ»,- հավելել է Մերցը:
