«Ապրելու երկիր» խմբակցությունը նոր թեկնածու կառաջադրի Փարաքար համայնքի ղեկավարի ընտրություններում. «Փաստ»

Փարաքար խոշորացված համայնքի ղեկավար Վալոդյա Գրիգորյանի ողբերգական մահվանից հետո Փարաքարի ավագանին պետք է ընտրի նոր համայնքապետ։ Ընտրությունները նախատեսված են հոկտեմբերի 7-ին։ Այս մասին գրում է «Փաստ» օրաթերթը:

Թերթի տեղեկություններով «Ապրելու երկիր» խմբակցությունն առաջադրելու է համայնքի ղեկավարի թեկնածու: Թերթը զանգահարել է «Ապրելու երկիր» կուսակցության համահիմնադիր Մեսրոպ Առաքելյանին, որը հաստատել է տեղեկությունը և հավելել է. «Այո՛, «Ապրելու երկիր» կուսակցությունը վճռական է տրամադրված՝ շարունակելու Վալոդյա Գրիգորյանի աշխատանքները, և ավագանու կողմից առաջադրելու է համայնքի ղեկավարի նոր թեկնածու, որն էլ, կարծում ենք, կստանա ձայների մեծամասնությունը»։ Առաքելյանը, սակայն, առայժմ չի ցանկացել այլ «փակագծեր» բացել և հայտնել, թե կոնկրետ ում թեկնածությունն են առաջադրելու:

Մանրամասները՝ սկզբնաղբյուրում: