Հետևանքները չուշացան. ՀՀ-ում ԱՄՆ դեսպանատունը հայտարարություն է տարածել
ԱՄՆ բյուջեի չհաստատմամբ պայմանավորված՝ Facebook-ի մեր էջում նոր հրապարակումներ չեն լինի մինչև գործունեության լիարժեք վերսկսումը։ Բացառություն կկազմեն անվտանգության և ապահովության հետ կապված անհետաձգելի հրապարակումները։ Այս մասին հայտարարություն է տարածել Հայաստանի ԱՄՆ դեսպանատան մամուլի ծառայությունը.
«Չհաստատված բյուջեի պայմաններում ԱՄՆ-ում և ԱՄՆ դեսպանություններում ու հյուպատոսարաններում կշարունակվեն արդեն նշանակված անձնագրային և վիզաների ծառայությունները, քանի դեռ իրավիճակը թույլ կտա։ Այս էջում թարմացումներ կլինեն մեր գործունեության լիարժեք վերսկսումից հետո, իսկ մինչ այդ կտեղադրվեն բացառապես անվտանգության և ապահովության վերաբերյալ հրապարակումները»:
Հիշեցնենք՝ ավելի վաղ հայտնել էինք, որ ԱՄՆ-ում պետական կառույցների մի մասը կդադարեցնեն աշխատանքը։ ԱՄՆ Սենատը չի կարողացել ընդունել ֆեդերալ ծախսերի ֆինանսավորման վերաբերյալ երկու օրինագծերից որևէ մեկը։
