Ես տեսնում եմ այդ ալերգիկ երևույթը հաղթահարելու տարբերակը. Փաշինյան
Հայաստանի վարչապետ Նիկոլ Փաշինյանը ԵԽԽՎ պատգամավորների հարցերին ի պատասխան հայտարարել է, որ խաղաղության համաձայնագրի համատեքստում սահմանադրության հետ կապված որևէ խնդիր չկա:
«Սահմանադրությունը քննարկում ենք մեր ներքին օրակարգի շրջանակում, չենք քննարկում փոփոխությունների հարցը, որովհետև դրա կարիքը խաղաղության համաձայնագրի համատեքստում չկա»,- ասել է նա:
Փաշինյանի խոսքով՝ ԵԽԽՎ-ն լավ է տիրապետում Հայաստանում ընտրությունների արդյունքների կեղծման պատմություններին:
Ըստ նրա, ժողովուրդը չի համարում, որ իրավակարգը իր որոշման արդյունքում է հաստատվել.
«Այդ ալերգիկ երևույթը հաղթահարելու տարբերակը ես տեսնում եմ նոր սահմանադրության ընդունումը, որտեղ ժողովուրդն ազատ կամարտահայտմամբ կքվեարկի նոր սահմանադրության օգտին»։
