Պեսկովը՝ Իսրայելի և Պաղեստինի միջև հակամարտության լուծման մասին
Ռուսաստանը հանդես է գալիս Իսրայելի և Պաղեստինի միջև հակամարտության երկպետական լուծման օգտին։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Մենք հավատարիմ ենք մնում ՄԱԿ-ի Անվտանգության խորհրդի հիմնարար բանաձևերին և միջազգային դիրքորոշմանը՝ պաղեստինա-իսրայելական խնդիրը երկու պետությունների մոտեցման հիման վրա լուծելու հնարավորության վերաբերյալ։ Հետևաբար, մեր այդ մոտեցումն անփոփոխ է», – ասել է Պեսկովը։
Նրա խոսքով՝ Մոսկվան ելնում է նրանից, որ սա միակ հնարավոր ճանապարհն է այս բարդ և արմատացած հակամարտությունը լուծելու համար։
«Պաղեստինա-իսրայելական հակամարտությունն այսօր ապրում է իր ողջ պատմության մեջ, թերևս, ամենասուր փուլը։ Եվ ամենաողբերգական», – ասել է ՌԴ առաջնորդի մամուլի քարտուղարը։
