Սիրիացի փախստականները ստիպված են լքել ԱՄՆ-ն. օրենք է փոխվում
Սիրիացի փախստականները ստիպված են լքել ԱՄՆ-ն:
Թրամփի վարչակազմը հայտարարել է Սիրիայից միգրանտների համար ժամանակավոր պաշտպանված կարգավիճակի (TPS) չեղարկման մասին: Հաղորդագրությունը հրապարակվել է ներքին անվտանգության նախարար Քրիստի Նոեմի կողմից:
Ժամանակավոր պաշտպանված կարգավիճակի ծրագրի շրջանակներում ԱՄՆ-ում գտնվող սիրիացի քաղաքացիները պետք է կամավոր լքեն երկիրը 60 օրվա ընթացքում: Մեկնելու համար նրանց առաջարկվում է մաքսային ծառայության հատուկ հավելված, որը հնարավորություն է տալիս մուտք գործել «անվտանգ և ապահով ինքնաարտաքսման» ծրագրին: Այս ծրագիրը ներառում է անվճար ավիատոմսեր, 1000 դոլար փոխհատուցում և ԱՄՆ օրինական ներգաղթելու հնարավորություն:
Նախարարությունը շեշտել է, որ 60-օրյա ժամկետից հետո բոլոր սիրիացիները, ովքեր չեն օգտվում կամավոր մեկնման ծրագրից, կկալանավորվեն և հարկադիր կարտաքսվեն: Նրանց մշտապես կարգելվի մուտք գործել ԱՄՆ:
ԱՄՆ ներքին անվտանգության նախարարությունը գնահատում է, որ ավելի քան 6000 սիրիացի ունի հատուկ կարգավիճակ, որը թույլ է տալիս նրանց օրինական ապրել և աշխատել երկրում, բայց չի ապահովում մշտական բնակության կամ քաղաքացիության հասնելու ուղի։
