Թրամփը հետաձգում է Ռուսաստանի դեմ նոր պատժամիջոցները. Washington Post
ԱՄՆ նախագահ Դոնալդ Թրամփի կոչը ՆԱՏՕ-ի դաշնակիցներին՝ դադարեցնել ռուսական նավթի ներմուծումը, կարող է լինել ԱՄՆ նախագահի մարտավարությունը՝ Ռուսաստանի դեմ նոր պատժամիջոցների փաթեթները հետաձգելու համար, գրում է The Washington Post-ը։
«Նրա առաջարկը, հավանաբար, չի ստանա 32 անդամներից բաղկացած դաշինքի մի քանի անդամների աջակցությունը։
Թուրքիան Ռուսաստանի նավթի խոշորագույն գնորդներից մեկն է և ձգտում է պահպանել կապերը Կրեմլի հետ՝ չնայած պատերազմին։ Հունգարիան և Սլովակիան, որոնք Թրամփի դաշնակիցների շարքում ռուսական նավթի ևս երկու գնորդներ են, աշխատում են պաշտպանել իրենց տնտեսությունները խափանումներից՝ փնտրելով այլ էներգակիրների մատակարարներ», - գրում է հրատարակությունը։
