Հայաստանի մուտքի կամ ելքի կնիքի վրա այլևս չի լինելու Արարատ լեռան պատկերը. Մարուքյան
Համաձայն Հայաստանի Հանրապետության կառավարության նոր որոշման՝ 2025 թվականի նոյեմբերի 1-ից ՀՀ մուտքի կամ ելքի սահմանանշանի (կնիքի) վրա այլևս չի լինելու Արարատ լեռան պատկերը։ Այս մասին է գրել ԱԺ նակին պատգամավոր Էդմոն Մարուքյանը:
«Հայաստանի Հանրապետությունը Թուրքիայի նկատմամբ տարածքային պահանջներ չի ունեցել և չունի։ Հայաստանը անդամակցել է ՄԱԿ-ին, ԱՀԿ-ին, Եվրոպայի խորհրդին, բազմաթիվ այլ կառույցների և երբեք Թուրքիան մեր անդամակցությանը չի խոչընդոտել այս պահանջներով․ Թուրքիայի կողմից նման պահանջներ չեն եղել։
Ճիշտ հասկացեք՝ այն, ինչ արվում է մեր կառավարության կողմից, որևէ կապ չունի Թուրքիայի նկատմամբ Հայաստանի չեղած տարածքային պահանջների հետ։ Այս ամենը պարզապես մեր պետության ինքնության խմբագրման գործընթացի մի մասն է»,- գրել է Մարուքյանը:
Նա նշել է. «Հաջորդ որոշմամբ Արարատ լեռան պատկերը կհեռացվի նաև զինանշանից»:
Գրառմանը կից Մարուքյանը հրապարակել է լուսանկար.
