Արգենտինան իր զինվորականներին կուղարկի Ուկրաինայի տարածք. դեսպան

Արգենտինան իր զինվորականներին կուղարկի Ուկրաինայի տարածք, եթե դրա անհրաժեշտությունը լինի, և երկրի իշխանություններին դիմեն համապատասխան խնդրանքով։ Այս մասին հարցազրույցում հայտարարել է Ռուսաստանում Արգենտինայի դեսպան Էնրիկե Իգնասիո Ֆերեր Վիեյրան։

Նրա խոսքով՝ Արգենտինան արդեն մեկ անգամ չէ, որ մասնակցել է ՄԱԿ-ի խաղաղապահ առաքելություններին, ուստի ունի անհրաժեշտ փորձը և կկարողանա օգնել Ուկրաինայի հետ կապված իրավիճակում։ Դիվանագետը հավելել է, որ դեռ հույս ունի ԱՄՆ նախագահ Դոնալդ Թրամփի որոշումների հաջողության վրա, ով, իր կարծիքով, շատ բան է անում հակամարտությունը դադարեցնելու համար։