Սպանության բոլոր մասնակիցներին գտնելու եմ. Թրամփը՝ դաժանաբար սպանված ԱՄՆ քաղաքական գործչի մասին
Մեկնաբանելով պահպանողական քաղաքական գործիչ և ակտիվիստ Չարլի Քըրքի սպանությունը՝ ԱՄՆ նախագահ Դոնալդ Թրամփը խոստացել է գտնել հանցագործությանը մասնակից բոլոր անձանց։
«Իմ վարչակազմը կգտնի այս վայրագությանը և քաղաքական բռնության այլ ակտերին մասնակցած յուրաքանչյուր անձի, այդ թվում՝ այն կազմակերպություններին, որոնք ֆինանսավորում և աջակցում են դրան», - հայտարարել է ԱՄՆ նախագահը իր տեսաուղերձում։
Թրամփը, մեկնաբանելով Քըրքի սպանությունը, հավելել է, որ Ամերիկան գտնվում է «մութ ժամանակներում»։
Հիշեցնենք՝ ավելի վաղ հայտնել էինք, որ ԱՄՆ-ում քաղաքական գործչի վրա կրակել են ելույթի ժամանակ:
