Ռուսաստան–Ուկրաինա հակամարտությունն ավելի բարդ է, քան մյուսները․ Թրամփ
ԱՄՆ նախագահը շարունակում է հավատարիմ մնալ Ռուսաստանի և Ուկրաինայի միջև խաղաղության համաձայնագրի ձեռքբերման քաղաքականությանը։ Այս մասին CBS News-ին հայտnել է ԱՄՆ նախագահ Դոնալդ Թրամփը։
Նա իր դիրքորոշումը նկարագրել է որպես իրատեսական և լավատեսական՝ ընդգծելով, որ ուշադիր հետևում է երկու առաջնորդների քայլերին բանակցությունների այս կարևոր փուլում։
«Ես հետևում եմ, տեսնում եմ և խոսում եմ այդ մասին Պուտինի և Զելենսկու հետ», – նշել է նա՝ հավելելով. «Ինչ-որ բան տեղի կունենա, բայց նրանք դեռ պատրաստ չեն։ Սակայն ինչ-որ բան անպայման տեղի կունենա։ Մենք դա կիրականացնենք»։
Նրա խոսքով՝ Ռուսաստան–Ուկրաինա հակամարտությունն ավելի բարդ է, քան մյուս հակամարտությունները, որոնց կարգավորմանը ինքը մասնակցել է։
«Ես կարծում էի, որ Ռուսաստանի հետ կապված հարցը կլինի ամենահեշտ լուծվողներից, բայց այն, կարծես, ավելի բարդ է որոշ այլ հակամարտություններից», – ասել է Թրամփը։
