Իսրայելական ԶՈՒ-ն հայտնում է՝ սպանվել է հուսիների վարչապետն ու պաշտպանության նախարարը

Եմենի հուսիների կողմից ստեղծված «կառավարության» վարչապետ Ահմեդ Գալեբ ար Ռահավին սպանվել է Սանայի ուղղությամբ Իսրայելական ավիահարվածի հետևանքով, հաղորդում է Yemen Monitor-ը՝ վկայակոչելով իր աղբյուրները:

Զրուցակիցների խոսքով՝ հարվածը հասցվել է կառավարության պաշտոնյաների հանդիպման ժամանակ, որոնք հավաքվել էին լսելու «Անսար Ալլահ» շարժման առաջնորդի ելույթը: Հարձակման հետևանքով զոհվել է մի քանի մարդ, այդ թվում՝ վարչապետը։ Նրա մահը հաստատում է Արաբական Միացյալ Էմիրություններից Erem News պարբերականը՝ վկայակոչելով Սանայի աղբյուրները։

Իսրայելական լրատվամիջոցների տվյալներով՝ սպանվել են նաև պաշտպանության նախարար Մուհամեդ Նասեր Ալ Ատիֆին և Սանայում հուսիների շտաբի պետ Մուհամմադ Աբդ ալ Քարիմ Ալ Գամարին: Մայրաքաղաքի ողջ տարածքում գրանցվել է ավելի քան 10 ավիահարվածներ, որոնց նպատակը եղել է բարձրաստիճան պաշտոնյաների հանդիպումը, որոնք հետեւել են հուսիների առաջնորդ Աբդուլ Մալիք Ալ Հուսիի ելույթին: