Գերմանիան կոչ է արել իր քաղաքացիներին լքել Իրանը
Գերմանիան կոչ է արել իր քաղաքացիներին չմեկնել Իրան, իսկ Իրանում գտնվող գերմանացիներին լքել երկիրը։ Այս մասին հաղորդում է Reuters-ը։
Ըստ գործակալության՝ դրա պատճառը Թեհրանի կողմից հնարավոր պատասխան միջոցառումների հնարավորությունն է՝ Իրանի դեմ պատժամիջոցների վերականգնման գործընթացի մեկնարկի հետ կապված։
Հիշեցնենք՝ «եվրոպական եռյակը» (Մեծ Բրիտանիա, Գերմանիա և Ֆրանսիա) սկսել է Իրանի դեմ պատժամիջոցների վերականգնման մեխանիզմի ( snapback mechanism ) ակտիվացման գործընթացը։ Գործընթացի տևողությունը 30 օր է։
Հավելենք՝ եթե այս ընթացքում Իրանի և «եվրոպական եռյակի» միջև համաձայնության չհասնի, ուժի մեջ կմտնեն Իրանի դեմ պատժամիջոցները։
