Չինաստանի նախագահը գաղտնի նամակ է ուղարկել Հնդկաստան. Bloomberg

ԱՄՆ-ի կողմից չինական ապրանքների վրա մաքսատուրքեր սահմանելուց հետո, Չինաստանի նախագահ Սի Ցզինպինը  գաղտնի նամակ է գրել Հնդկաստանի նախագահ Դրաուպադի Մուրմուին, հաղորդում է Bloomberg-ը՝ հղում անելով գործին ծանոթ հնդիկ պաշտոնյայի։

Աղբյուրի համաձայն, նամակը նախատեսված էր Չինաստանի և Հնդկաստանի միջև հարաբերությունների բարելավմանը։ Նամակում Չինաստանի նախագահը մտահոգություն է հայտնել  ԱՄՆ-ի հետ ունեցած գործարքների վերաբերյալ, որոնք կարող են վնասել Չինաստանի շահերին։ Աղբյուրի խոսքով՝ հաղորդագրությունը հասել է վարչապետ Մոդիին։

Նամակը ուղարկելուց կարճ ժամանակ անց Պեկինը հրապարակել է Չինաստանի առաջնորդի հայտարարությունը, որում գովաբանում էր Չինաստան-Հնդկաստան հարաբերությունները։

Հնդիկ պաշտոնյան նաև ասել է, որ երկրի կառավարությունը սկսել է ջանքեր գործադրել Չինաստանի հետ հարաբերությունները բարելավելու համար։