Մերցը սպառնում է Ռուսաստանին․ Պուտին-Զելենսկի հանդիպումը չպետք է ձախողվի
Գերմանիայի կանցլեր Ֆրիդրիխ Մերցը հայտարարել է, որ արևմտյան երկրները պատրաստ են ուժեղացնել Ռուսաստանի նկատմամբ պատժամիջոցների ճնշումը, եթե ՌԴ նախագահ Վլադիմիր Պուտինը չհանդիպի Ուկրաինայի նախագահ Վլադիմիր Զելենսկու հետ:
Բեռլինում Կանադայի վարչապետ Մարկ Քարնիի հետ համատեղ մամուլի ասուլիսում նա կարծիք է հայտնել, որ հիմա Մոսկվայի հերթն է։
«Հիմա Մոսկվայի հերթն է։ Մենք՝ Եվրամիությունում, աշխատում ենք նոր պատժամիջոցների վրա։ Ամերիկայի նախագահ Դոնալդ Թրամփը, իր հերթին, չի բացառել նոր պատժիչ մաքսատուրքեր սահմանել Ռուսաստանի նկատմամբ», - ասել է կանցլերը։
