ՄԱԿ-ի խաղաղապահներին պետք է ուղարկել Ուկրաինա. ֆրանսիացի պատգամավոր
«Անսասան Ֆրանսիա» ձախակողմյան կուսակցության հիմնադիր Ժան-Լյուկ Մելանշոնը կոչ է արել Ուկրաինա ուղարկել ՄԱԿ-ի խաղաղապահներին՝ անվտանգությունն ապահովելու համար, այլ ոչ թե ՆԱՏՕ-ի զորքերին։
«Հիմա ես անմիջապես անցնում եմ ձեր հարցին. պե՞տք է գնանք այնտեղ։ Ես կասեմ ձեզ, թե ով պետք է գնա այնտեղ։ Դա ՄԱԿ-ի զորքերն են։ Այսպիսով, ՄԱԿ-ում պե՞տք է լինեն ֆրանսիացիներ։ Այո, ինչպես, օրինակ, Լիբանանում», - ասել է Ֆրանսիացի պատգամավորը։
Հավելենք՝ ավելի վաղ ԱՄՆ նախագահ Դոնալդ Թրամփը հայտարարել էր, որ Ֆրանսիան , Գերմանիան և Մեծ Բրիտանիան ցանկանում են զորքեր տեղակայել Ուկրաինայում։ Նա հավելել է, որ իր նախագահության ընթացքում Ուկրաինայում ամերիկյան զորքեր չեն լինի։
