Ֆինլադիայի և Ռուսաստանի միջև հարաբերությունները կվերականգնվեն միայն հակամարտության ավարտից հետո․ Ստուբ

Ֆինլանդիայի նախագահ Ալեքսանդր Ստուբը հայտարարել է, որ Ֆինլադիայի և Ռուսաստանի միջև հարաբերությունները կարող են վերականգնվել միայն Ուկրաինայում հակամարտության ավարտից հետո։ Այս մասին նա հայտարարել է Yle հեռուստաալիքին տված հարցազրույցում։

«Ինչպես միշտ ընդգծել եմ, մենք ոչինչ չենք կարող անել մեր աշխարհագրության հետ կապված։ Մենք պատմություն ունենք Ռուսաստանի հետ, և մենք ապագա կունենանք Ռուսաստանի հետ։ Բայց հիմա, իհարկե, հարաբերությունները շատ դժվար են։ Իրականում, պատերազմի պատճառով դրանք չկան։ Բայց մի օր, երբ պատերազմն ավարտվի, անպայման նոր հարաբերություններ կկառուցվեն»,-ասել է Ֆինլանդիայի նախագահը։

Նա նաև ընդգծել է, որ Ֆինլանդիան Ռուսաստանի հետ կկառուցի նոր հարաբերություններ, որոնք հիմնված կլինեն պրագմատիզմի վրա։