Ուկրաինան, ի տարբերություն Ռուսաստանի, չի վախենում. Վլադիմիր Զելենսկի
Ուկրաինայի նախագահ Վլադիմիր Զելենսկին հայտարարել է, որ ռուսներն ամեն ինչ անում են Ուկրաինայի, ԱՄՆ-ի և Ռուսաստանի առաջնորդների եռակողմ հանդիպումը ձախողելու համար, այս մասին հաղորդում է «Украинская правда»-ն։
«Միևնույն ժամանակ, Ուկրաինան, ի տարբերություն Ռուսաստանի, չի վախենում եվրոպացի առաջնորդների հետ որևէ հանդիպումից։ Մենք պատրաստ ենք արդյունավետ աշխատել: Մենք պետք է նրանց ստիպենք գնալ դիվանագիտության ճանապարհով, մեզ անհրաժեշտ են իսկապես ուժեղ պատժամիջոցներ, եթե նրանք չհամաձայնեն այս պատերազմի դիվանագիտական հանգուցալուծմանը»,- նշել է նա։
Զելենսկին հույս ունի, որ «գործընկերները կօգնեն գոնե նվազագույն արդյունավետ դիրք ապահովել ռուսական կողմի համար»։
Ըստ նրա՝ «մենք պետք է ամեն ինչ անենք, որպեսզի Ռուսաստանը չկարողանա շարունակել խույս տալ հանդիպումից»։
