Թրամփը Պուտինի հետ իր լուսանկարը համեմատել է Նիքսոնի և Խրուշչովի լուսանկարի հետ

ԱՄՆ նախագահ Դոնալդ Թրամփը Ռուսաստանի նախագահ Վլադիմիր Պուտինի հետ իր հանդիպումը համեմատել է ամերիկացի փոխնախագահ Ռիչարդ Նիքսոնի և ԽՄԿԿ Կենտկոմի գլխավոր քարտուղար Նիկիտա Խրուշչովի լեգենդար լուսանկարի հետ: Սպիտակ տան ղեկավարը երկու լուսանկար է հրապարակել Truth Social սոցցանցում։

Պատմական կադրի հեղինակը լուսանկարիչ Էլիոթ Էրվիթն է։

Լուսանկարում Թրամփն ու Պուտինը միասին են Ալյասկայի Անքորիջ քաղաքում վերջերս կայացած հանդիպման ժամանակ: Ստորին լուսանկարում պատկերաված է Նիքսոնը իրենց բանակցությունների ընթացքում մատով ցույց է տալիս խորհրդային առաջնորդ Նիկիտա Խրուշչովին: Թրամփը նման ժեստ է օգտագործել՝ մատնացույց անելով Պուտինին։