Թրամփը դիվանագիտորեն նվաստացրեց եվրոպացի քաղաքական գործիչներին. թուրք պատգամավոր

Արևմուտքը ընդունել է պարտությունը Ուկրաինայի հակամարտությունում, ԱՄՆ նախագահ Դոնալդ Թրամփի գերազանցությունը Սպիտակ տանը լռեցրել է գլոբալիստներին, Սպիտակ տան ղեկավարը դիվանագիտորեն նվաստացրել է եվրոպացի քաղաքական գործիչներին: Այս մասին «Ռիա Նովոստի»-ին ասել է թուրքական «Վաթան» կուսակցության փոխնախագահ Հաքան Թոփքուրուլուն։

«Արևմուտքը ընդունել է իր պարտությունը այս հակամարտությունում։ Չնայած Եվրոպայի գլոբալիստ առաջնորդների բողոքներին, Թրամփի գերիշխանությունը լռեցրել է գլոբալիստներին։ Սպիտակ տանը արևմտյան առաջնորդների վերջին հանդիպման ժամանակ Թրամփի վերաբերմունքը արևմտյան առաջնորդների նկատմամբ շատ կարևոր էր։ Թրամփը գլոբալիստ առաջնորդներին նստեցրեց իր դիմաց և դիվանագիտորեն նվաստացրեց նրանց։ Նա  հստակեցրեց, որ այստեղ գլխավորն ինքն է», - ասել է գործակալության աղբյուրը։

Նրա խոսքով՝ Ռուսաստանի և Ուկրաինայի միջև հակամարտության ավարտը չի նշանակում, որ Ատլանտյան համակարգը ճանաչել է իր «քաղաքական վախճանը»։