Հիմքում ընկած են Ադրբեջանի դիրքորոշումները. Ալիևը հայտարարություններով է հանդես եկել
Մենք ամբողջությամբ արդիականացնում ենք Նախիջևանի երկաթուղին: Այս մասին հայտարարել է Ադրբեջանի նախագահ Իլհամ Ալիևը:
«Հայաստանը նման պարտավորություն է ստանձնել, և սա մեր հաջորդ պատմական հաջողությունն է», - ասել է նա:
Ալիևի խոսքով՝ Ադրբեջանն է հեղինակել Հայաստանի հետ խաղաղության պայմանագիրը, և փաստաթղթի հիմքում ընկած են Ադրբեջանի դիրքորոշումները։
«Այս փաստաթղթի նախաստորագրումը փաստորեն վերջ է դնում Ադրբեջանի և Հայաստանի միջև առճակատմանը։ Դրան զուգահեռ՝ ապահովվել է նաև ցամաքային կապը մեր պատմական տարածաշրջանի՝ Նախիջևանի հետ», - ասել է նա։
Հիշեցնենք՝ ավելի վաղ Ալիևը հայտարարել էր, որ ՀՀ բանակին արտասահմանից փոխանցված զենքի արժեքը կազմում է մոտավորապես 5-6 միլիարդ դոլար։
«Իհարկե, Հայաստանը չուներ այդքան քանակությամբ զենք գնելու միջոցներ»,- ասել էր նա։
