Ամերիկան խոստանում է Ռուսաստանին ճանաչել որպես ահաբեկչության հովանավոր. ԱՄՆ սենատոր
Միացյալ Նահանգները կարող է պաշտոնապես ճանաչել Ռուսաստանին որպես ահաբեկչության պետական հովանավոր, այս մասին X սոցիալական ցանցում հայտարարել է ԱՄՆ սենատոր Լինդսի Գրեհեմը։
Քաղաքական գործիչը հիշեցրել է, որ պատերազմի ժամանակ ռուսական կողմը առևանգել է ավելի քան 19 հազար անչափահասի։
«Երեխաներին իրենց հայրենիքից առևանգելը նողկալի և բարբարոսական արարք է: Ինչպես ես ասել էի այս տարվա սկզբին, ես մտադիր եմ առաջ մղել օրենսդրություն, որը Ռուսաստանին կհամարի ահաբեկչության պետական հովանավոր», - ասել է սենատորը:
Գրեհեմը հավելել է, որ Ռուսաստանի հետ ցանկացած համագործակցություն վտանգավոր է:
