Կարծում եք՝ ՔՊ-ն չգիտեր ձայնագրությունների իրական բովանդակության մասին․ Գառնիլ Դանիելյան

Կարծո՞ւմ եք ՔՊ-ն չգիտեր ձայնագրությունների իրական բովանդակության մասին։ Բագրատ սրբազանի և մյուսների գործով դատական նիստից առաջ լրագրողների հետ զրույցում ասել է «Հայաստան» խմբակցության պատգամավոր Գառնիկ Դանիելյանը՝ նշելով, որ ձայնագրությունները կտրել էին, մոտաժել, «փուչիկ գործ սարքել, որն արդեն տրաքել է»։

«Չհավատաք իշխանությունների կեղծ մեղադրանքներին։ Բացի ընդդիմադիր լինելը, եթե պատերազմի մասնակից ես՝ հոդվածը գնաց, Արցախի անունը տալիս ես՝ հոդվածը գնաց»,-ասել է նա՝ նշելով, որ մեղադրվող մարդիկ ազգի նվիրյալներ են։

Դանիելյանը նշել է, որ ակտիվ խոսակցություններ են գնում, որ սրբազանի պայքարի շրջանակում սեպտեմբերին, աշնանային նստաշրջանին իրեն և Իշխան Սաղթելյանին պետք է անձեռմխելիությունից զրկեն, քրեական գործ հարուցեն։