«Անուղեղ աքլորը» ապացուցում է՝ ինքն է հավաբնի թագավորը. Մեդվեդևը՝ Ուկրաինայում ՆԱՏՕ-ի զորքերի տեղակայման մասին
Մոսկվան չի ընդունի Ուկրաինայում «խաղաղապահների» անվան տակ ՆԱՏՕ-ի որևէ զորք, նրան նման «անվտանգության երաշխիքներ» պետք չեն, հայտարարել է Ռուսաստանի Անվտանգության խորհրդի փոխնախագահ Դմիտրի Մեդվեդևը։
«Գալլական «անուղեղ աքլորը» ոչ մի կերպ չի կարող հրաժարվել Ուկրաինա զորք ուղարկելու գաղափարից։ ՆԱՏՕ-ի զորքերը՝ որպես խաղաղապահներ, չեն մտնի Ուկրաինա։ Ռուսաստանը չի ընդունի նման «անվտանգության երաշխիքներ»։ Բայց խռպոտ, խղճուկ թռչունը շարունակում է բղավել՝ ապացուցելով, որ ինքը հավաբնի թագավորն է», - գրել է Դմիտրի Մեդվեդևը իր սոցիալական ցանցերում ։
Նշենք, որ Ֆրանսիայի նախագահ Էմանուել Մակրոնը մեկնաբանել է իր երկրի և Մեծ Բրիտանիայի նախաձեռնությամբ «կամավորների կոալիցիայի» ստեղծումը, որը, ապագա անվտանգության երաշխիքների շրջանակներում, պետք է աջակցող ուժեր տեղակայի Ուկրաինայում: Խոսքը վերաբերում է «ցամաքում, ծովում և օդում» աջակցությանը:
