Յուրաքանչյուր կողմ ստիպված կլինի որոշ զիջումների գնալ. Ռուբիո
Եվ Ուկրաինան, և Ռուսաստանը ստիպված կլինեն զիջումների գնալ խաղաղություն կնքելու համար: Այս մասին հայտարարել է ԱՄՆ պետքարտուղար Մարկո Ռուբիոն:
«Յուրաքանչյուր կողմ ստիպված կլինի որոշ զիջումների գնալ։ Եվ ակնհայտ է, որ այդ խոսակցության մի մասը կլինի հողի հարցը կամ այն, թե որտեղ են գծելու այդ սահմանները, որտեղ պատերազմը կավարտվի: Ըստ էության, կողմերից ոչ մեկն այստեղ 100% չի ստանա»,- ասել է նա:
Ռուբիոն նաև նշել է, որ դա հեշտ չէ, բայց միայն այդպես կարելի է վերջ տալ պատերազմին:
