Թրամփը Ռուսաստան այցելելու հրավեր է ստացել․ Լավրով

ԱՄՆ նախագահ Դոնալդ Թրամփը Ռուսաստան այցելելու հրավեր է ստացել, հաստատել Է ՌԴ ԱԳ նախարար Սերգեյ Լավրովը:

«Նա հրավեր ունի, ինչպես գիտեք։ Եվ Ալյասկայում մամուլի ասուլիսի ժամանակ Ռուսաստանի նախագահ Վլադիմիր Պուտինը հաստատել է այդ հրավերը, և Դոնալդ Թրամփը, եթե ճիշտ եմ հիշում, ասել է, որ դա շատ հետաքրքիր է», - ասել Է Լավրովը «Ռոսիա 24» հեռուստաալիքին տված հարցազրույցում։

Հիշենենք՝ Ռուսաստանի և ԱՄՆ նախագահները օգոստոսի 15-ին Ալյասկայում կայացած հանդիպման ընթացքում քննարկել են ուկրաինական հակամարտության կարգավորման ուղիները: Երկու առաջնորդներն էլ հանդիպումը դրական են որակել։ Ռուսաստանի նախագահը գագաթնաժողովի արդյունքներով հայտարարել Է Ուկրաինայում հակամարտության ավարտին հասնելու հնարավորության մասին և ընդգծել, որ Ռուսաստանը շահագրգռված է, որպեսզի կարգավորումը երկարաժամկետ բնույթ կրի: