Թրամփը բացել է «խաղաքարտերը» ԵՄ առաջնորդների դիմաց. ԱՄՆ նախագահի հայտարարությունները՝ Պուտինի մասին
ԱՄՆ նախագահ Դոնալդ Թրամփը հայտարարել է, որ Եվրոպայի առաջնորդների և Վլադիմիր Զելենսկու հետ համատեղ հանդիպման ժամանակ անհրաժեշտ է քննարկել Ռուսաստանի և Ուկրաինայի միջև տարածքների հնարավոր փոխանակումը:
CNN-ը հաղորդում է, որ Թրամփը հայտարարել է` տարածքային զիջումների հարցը հաշվի կառնի (մարտական) շփման ներկայիս գիծը Ուկրաինայում։
«Այսօր մենք համաձայնության կգանք գրեթե բոլոր կետերի շուրջ, այդ թվում՝ անվտանգության հարցերի։ Կարծում եմ, որ մեր բանակցություններից հետո կարող է խաղաղության համաձայնագիր կնքվել», – ասել է նա։
ԱՄՆ առաջնորդը նշել է, որ Պուտինն Ալյասկայում կայացած հանդիպման ժամանակ համաձայնել է, որ Ռուսաստանը կընդունի անվտանգության երաշխիքները Ուկրաինայի համար։ Ալյասկայի գագաթնաժողովը ամրապնդել է նրա հավատը Ուկրաինայում խաղաղության հասնելու հնարավորության նկատմամբ։
Թրամփը հայտարարել է նաև, որ չի հավատում Ռուսաստանի կողմից Ուկրաինայի դեմ «հետագա ագրեսիայի» սպառնալիքին:
