Հրադադար անհրաժեշտ չէ. Ուկրաինային կտրամադրվեն անվտանգության երաշխիքներ. Թրամփ
ԱՄՆ նախագահ Դոնալդ Թրամփը հայտարարել է, որ Ուկրաինայում հրադադարը խաղաղության համաձայնագրի կնքման նախապայման չէ, քանի որ կողմերը կարող են համաձայնության վրա աշխատել մարտական գործողությունների ընթացքում:
«Ես չեմ կարծում, որ անհրաժեշտ է հրադադար, բայց մենք կարող ենք աշխատել համաձայնագրի վրա, մինչ նրանք կռվում են», - ասել է նա:
Դոնալդ Թրամփի խոսքով՝ Ուկրաինային կտրամադրվեն որոշակի անվտանգության երաշխիքներ։
«Անվտանգության առումով շատ մեծ օգնություն կտրամադրվի նրանց։ Ուկրաինայի համար ամերիկյան սպառազինության համար կվճարի ՆԱՏՕ-ն», - ասել է ԱՄՆ նախագահ Դոնալդ Թրամփը։
