Անհրաժեշտ է մեծացնել ճնշումը Ռուսաստանի վրա, եթե բանկցություններից հետո առաջընթաց չլինի. Մերց
Ուկրաինան պետք է լինի Ռուսաստանի և Միացյալ Նահանգների հետ բանակցությունների սեղանի շուրջ, ասել է Գերմանիայի կանցլեր Ֆրիդրիխ Մերցը։ Նա նշել է, որ Կիևը պատրաստ է քննարկել տարածքների հարցը, սակայն մեկնարկային կետը պետք է լինի առաջնագիծը։
Մերցը հավելել է, որ եթե Ալյասկայում Պուտին-Թրամփ գագաթնաժողովից հետո Ուկրաինայում հակամարտության կարգավորման հարցում առաջընթաց չլինի, ապա «անհրաժեշտ է մեծացնել ճնշումը Ռուսաստանի վրա»։
«Եվրոպայի և Ուկրաինայի հիմնարար անվտանգության շահերը պետք է հարգվեն Ալյասկայում։ Եվրոպան և Միացյալ Նահանգները ընդհանուր համաձայնության են եկել այս հարցում»,-հավելել է Մերցը:
