Թրամփ-Պուտին հանդիպումը նախատեսված է հաջորդ շաբաթվա վերջին
ԱՄՆ և ՌԴ նախագահներ Դոնալդ Թրամփի և Վլադիմիր Պուտինի հանդիպումը նախնականորեն նախատեսված է հաջորդ շաբաթվա վերջին։ Այդ մասին հայտնում է Sky News-ը՝ հղում անելով Սպիտակ տան իր աղբյուրին։
Հանդիպման վայրը դեռևս քննարկվում է․ դիտարկվում են ԱՄԷ-ի, Հունգարիայի, Շվեյցարիայի և Հռոմի տարբերակները։
Հանդիպման ճշգրիտ ամսաթիվը դեռևս անհայտ է, և դեռևս պարզ չէ, թե արդյոք Ուկրաինայի նախագահ Վոլոդիմիր Զելենսկին կմասնակցի՞ հանդիպմանը, թե ոչ։
Աղբյուրը նշել է, որ ռուսները ներկայացրել են հնարավոր հրադադարի պահանջների ցանկ, և Վաշինգտոնն այժմ փորձում է ստանալ Ուկրաինայի և նրա եվրոպացի դաշնակիցների համաձայնությունը։
