Փորձեցի աշխատել մեր նորանշանակ մարզչի հետ, չստացվեց. Հարոյանը լքում է ազգային հավաքականը
Հայաստանի ազգային հավաքականի ավագ Վարազդատ Հարոյանն ավարտում է կարիերան Հայաստանի ազգային հավաքականում: Այս մասին հայտնել է ինսայդեր Սուրեն Մելիքսեթյանը:
«Պատճառն էլ կասեմ, քանի որ բան չունեմ թաքցնելու: Մի անգամ փորձեցի աշխատել մեր նորանշանակ մարզչի հետ, չստացվեց: Երկրորդ անգամ չեմ ուզում, որովհետև չի ստացվելու: Շնորհակալություն բոլորին այսքան տարիների վստահության համար: Հաջողություն եմ մաղթում իմ ազգային հավաքականին»,- ասել է նա:
Հարոյանը նշել է, որ 15 տարում 92 խաղ է անցկացրել, ժամանակն է հրաժեշտ տալու:
