Ուղեվարձը չվճարելու դեպքում կկիրառվեն օրենքով սահմանված տուգանքներ. մանրամասներ

Այսօր Երևանի քաղաքապետարանի հասարակական կարգի պահպանության ծառայության աշխատակիցները շրջայց են իրականացրել հանրային տրանսպորտում: Այս մասին հայտնում են Երևանի քաղաքապետարանից:

«Այսուհետ հանրային տրանսպորտում հասարակական կարգի պահպանության ծառայության կողմից կազմակերպվող հսկողական աշխատանքները կրելու են ամենօրյա բնույթ։ Ուղեվարձը չվճարելու դեպքում կկիրառվեն օրենքով սահմանված տուգանքներ»,- ասված է հաղորդագրության մեջ:

Հիշեցնենք` Երևանի փոխքաղաքապետ Սուրեն Գրիգորյանը հայտնել էր, որ արդեն երկրորդ օրն է՝ հսկիչները ստուգում են իրականացնում տրանսպորոտում։ Այն քաղաքացիները, ովքեր անպատասխանատու վարքագիծ էին դրսևորում, այլևս ստիպված են լինելու պատասխանատու վարքագիծ դրևորել: