Ատոմային սուզանավերն արդեն այնտեղ են, որտեղ պետք է լինեն. Թրամփ

ԱՄՆ երկու միջուկային սուզանավերը, որոնք նախկինում վերաբաշխվել էին «համապատասխան տարածաշրջաններ», արդեն հասել են համապատասխան տարածք, լրագրողներին ասել է ԱՄՆ նախագահ Դոնալդ Թրամփը, հաղորդում է Fox News-ը։

«Ատոմային սուզանավերն արդեն այնտեղ են, որտեղ պետք է լինեն»,- ասել է Թրամփը:

Օգոստոսի 1-ին Թրամփն իր Truth Social սոցիալական ցանցում հայտարարել է, որ սուզանավերը կուղարկի «համապատասխան տարածաշրջաններ»՝ ի պատասխան Ռուսաստանի Անվտանգության խորհրդի փոխնախագահ Դմիտրի Մեդվեդևի հայտարարությունների, որոնք նա անվանել է չափազանց սադրիչ։ Նրա խոսքով՝ ցանկացած արտահայտություն կարող է հանգեցնել անկանխատեսելի հետևանքների։