Եվրոպացիների հետ բանակցելն իմաստ չունի․ Իրանի ԱԳ նախարար
«Եվրոպական եռյակի» երկրների (Մեծ Բրիտանիա, Գերմանիա, Ֆրանսիա) հետ բանակցությունները կորցրել են իրենց իմաստը, քանի որ եվրոպացիները չեն կարողանում արդյունավետ քայլեր ձեռնարկել Իրանի միջուկային ծրագրի շուրջ ստեղծված ճգնաժամը լուծելու համար: Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին, գրում է Financial Times-ը։
«Այժմ եվրոպացիների հետ բանակցելն իմաստ չունի, քանի որ նրանք չեն կարող վերացնել պատժամիջոցները կամ որևէ այլ բան անել։ Եթե նրանք փորձեն ներդնել վերականգնման մեխանիզմը, դա նրանց համար վերջը կլինի», - ասել է Իրանի ԱԳ նախարարը։
Հավելենք՝ Իրանի ԱԳ նախարար Աբբաս Արախչին հայտարարել էր, որ Վաշինգտոնը պետք է փոխհատուցի Իրանի միջուկային ծրագրին ԱՄՆ զինված ուժերի հարվածներից պատճառված վնասը։
